Një biznes ndërtimi është grabitur gjatë natës në autostradën Tiranë-Durrës. Burime nga policia kanë thënë për Gazetën Shqiptare se gjatë natës është grabitur kasaforta e parave të këtij biznesi.
Mësohet se persona të paidentifikuar janë futur brenda, ndërkohë që roja e objektit ka qenë në gjumë.
Vetëm mëngjesin e së hënës është evidentuar grabitja. Policia ka nisur hetimet, ndërsa nuk dihet shuma e parave që gjendeshin në kasafortë.
Policia po merr në pyetje punonjësit e hotelit dhe rojën, ndërsa po kontrollohen kamerat e sigurisë.
Shfaq Komentet (0)